Þróunarstarf í tengslum við innleiðingu nýrra laga má skipta í þrennt:

1. Almenn þróunarvinna á kennslufyrirkomulagi og starfsskipulagi skóla
2. Mátun einstakra þátta skólastarfs inn á hæfniþrep og inn í sniðmát
3. Námskrárgerð

1. Almenn þróunarvinna á kennslufyrirkomulagi og starfsskipulagi skóla

Í kjölfar nýrra laga um framhaldsskóla er lögð aukin áhersla á hæfni nemenda að námi loknu. Nemendur geta öðlast tilskilda hæfni á mismunandi hátt og leiðirnar að takmarkinu margar. Með það í huga er gert ráð fyrir að framhaldsskólarnir setji saman námsbrautir og semji sjálfir áfangalýsingar sem eftir samþykkt ráðuneytisins eru birtar sem hluti aðalnámskrár framhaldsskóla. Með nýjum áherslum gefst tækifæri á að endurskoða starfshætti í skólum, lokamarkmið og uppbyggingu námsbrauta, mat á námi og hvernig skólinn getur best komið til móts við þarfir nemenda. Almennt þróunarstarf af þessu tagi er styrkt í gegnum skólasamninga einstakra skóla.

Veittir þróunarstyrkir árið 2009:

• þróunarstyrkir (PDF) 

2. Mátun einstakra þátta skólastarfs inn á hæfniþrep og inn í sniðmát

Menntamálaráðuneyti hefur unnið að þróun viðmiða og sniðmáta sem ætlunin er að nota við gerð námsbrauta. Í samvinnu við ráðuneytið eru rýnihópar fengnir til að fara yfir atriði sem tengjast skilgreiningum, viðmiðum og sniðmátum. Enn fremur er gert ráð fyrir að skólar og fulltrúar atvinnulífsins muni vinna að þróunarverkefnum sem tengjast námskrárgerð t.d. gerð dæmabrauta.

Rýnihópar árið 2008:

•  Í október var fundur með rýnihópi um stefnumörkun við námskrárgerð. Þar voru sérfræðingar sem tengdust ýmsum greinum framhaldsskólans, þ.e. íslensku, námsráðgjöf, rafiðngreinum, sögu og félagsvísindagreinum, almennri braut, erlendum tungumálum, raungreinum, matvæla- veitinga og ferðaþjónustugreinum, leistgreinum, heilbrigðisgreinum og málmiðngreinum, alls 11 manns.
• Í nóvember og desember unnu þrír rýnihópar að því að athuga hvort  og hvernig hægt væri að setja fram hæfni kjarnagreina á þrjú hæfniþrep. Í þessum hópum voru kennarar frá þeim skólum sem áður höfðu fengið loforð um styrk (sjá hér að ofan) MA, MS Kvsk, FSu, FS, FA, FSn, og þrír sérfræðingar frá HÍ, alls 15 manns. Skil 15. janúar 2009.
• Í desember var settur á stofn rýnihópur sem ætlað er að skoða hvernig drög að viðmiðaramma um lokapróf á framhaldsskólastigi geti nýst til að skilgreina starfsnám á sviði matvæla- og veitingagreina. Fulltrúar í hópnum eru frá Iðunni, MK og VMA, alls 4 manns. Skil 1. febrúar 2009.

Rýnihópar árið 2009:

• Í janúar voru settir á stofn tveir rýnihópar sem ætlað er að skoða hvernig drög að viðmiðaramma um lokapróf á framhaldsskólastigi geti nýst til að skilgreina starfsnám á sviði rafiðngreina og heilbrigðisgreina. Fulltrúar í heilbrigðisgreinahópnum eru frá FB, FS, FÁ, VMA, Landspítala/starfsgreinaráði, alls 5 manns. Fulltrúar í rafiðngreinahópnum eru frá IH, FVA, FÍR/Rafiðnaðaraskólanum, FB/starfsgreinaráði og  Tækniskólanum, alls 5 manns.  Skil 1. mars 2009.

3. Námskrárgerð og námskrárgrunnur

Ný lög kalla á þróunar- og hugmyndavinnu úti í skólunum í góðri samvinnu við atvinnulífið og skólastigin fyrir ofan eða neðan. Gert er ráð fyrir að skólar geti fengið leyfi til að tilraunakenna nýjar námsbrautir þar til verklagsreglur um vottun og útgáfu námsbrauta hafa verið samþykktar en þær eru nú í þróun innan ráðuneytisins. Þær þurfa þó að byggja á nýjum áherslum ráðuneytisins um hæfni nemenda að loknu námi og að uppbygging námsbrauta tengist hæfniþrepum framhaldsskólans.

Gert er ráð fyrir að settur verði upp námskrárgrunnur sem mun halda utan um samþykktar námsbrautir og áfangalýsingar. Námskrárgrunnurinn verður öllum opinn sem upplýsingaveita um námsframboð en getur einnig nýst skólum og fræðslustofnunum við námskrárgerð.

Þessi gögn eru enn á vinnslustigi