Í nýjum lögum um leikskóla er barnið, réttindi þess og velferð í fyrirrúmi. Lögunum er ætlað að skapa stutta og hnitmiðaða rammalöggjöf með samhljóm við löggjöf um önnur skólastig sem skapi skilyrði til að styrkja starf í leikskólum. Tekið er mið af breytingum á fjölskylduhögum, auknum fjölda íbúa sem eiga sér annað móðurmál en íslensku og menningarlegum fjölbreytileika.

• Áhersla er lögð á velferð barna og að hagsmunir þeirra séu í fyrirrúmi

• Réttindi og skyldur foreldra og barna skilgreind með skýrum hætti, þ.m.t. kæruréttur, réttur barna til sérfræðiþjónustu og upplýsingaskylda við foreldra

• Leitast er við að koma til móts við breyttar aðstæður foreldra og barna vegna nýrra atvinnu- og þjóðfélagshátta og að samfélagið er í vaxandi mæli fjölþjóðlegt

• Möguleikar foreldra til að hafa áhrif og að taka þátt í starfsemi leikskóla auknir m.a. með stofnun foreldraráða

• Mat á skólastarfi og upplýsingagjöf um starfsemi leikskóla stórefld

• Forræði sveitarfélaga og verkefnaskipting milli þeirra, ríkis og stjórnenda leikskóla skýrt

• Ákvæði um rekstarleyfi leiksskóla skýrð og samrekstur skóla heimilaður

• Aukin áhersla á faglegt starf leikskólum, þeir setji sér skólanámskrá og stofnaður nýr sjóður til að styrkja þróunarverkefni